Dianan ta pasando basta lihé, un felis dia pa bo...

Ya nos tin 2 siman kompletu den 2026...

Ensayonan di tumba hubenil a kuminsá kue forma ku e sekshon di bras aserka...

Hopi hende na ensayo i preparashon ta kanando hopi bon ...

E interes di fanátikonan di tumba hubenil ta dje haltu ei ku ensayo ta kolmá ku hende...

Ora bo kere ku ta ONE ta ensayá lugá ta tumba hubenil ta den ensayo...

Ayera 6 dje tumberonan a pasa nan tumba, awe ta programá pa 7 pasa nan tumba i pa mañan djabièrnè lo tin ensayo general den Festival Center...

Ayera nos a informá riba Crazy Diamond, mas lat a drenta e informashon di Monarch, ámbos a informá ku nan no ta partisipá mas na Gran Marcha...

Despues di a evaluá e situashon di gruponan ku a informá ku nan no ta partisipá mas den Gran Marcha e liña kòrá ta ku miembronan no ta paga konforme palabrashon...

Grupo ta hasi un invershon inisial, pero despues mester di e kontribushon di miembronan pa kuminsá paga tur kos adishonal ku tin mester...

Despues di kùrmentu di treilernan pa karnaval tur grupo mester kumpli ku pago di instalashon di zonido, loke ta nifiká ku ta montantenan basta grandi mester kuminsá kumpli kuné i si no tin un fondo grandi, e ta bira imposibel pa bo kumpli ku pagonan...

Ta p’esei e gruponan ta hasi yamada pa kumpli ku e ‘prikichi’, pasó sin prikichi no tin grupo...

E rèkert di awe mainta tabata na momentu ku dos grupo a anunsiá ku nan no ta partisipá mas na Gran Marcha, mesora otro gruponan a start ku promoshon i te asta algun bo ta sinti ku nan a gosa ku otro ta afó...

Promo: “ Si bo grupo no ta bai mas, djòin nos”, pone mi kòrda riba e dicho na Ulandes: ‘De ene zijn dood is de ander zijn brood’...

AGKK mester kuminsá evaluá for di aworakí kiko t’ei bira e strategia pa otro aña. Mester evaluá kon t’ei hasi pa brinda sierto fasilidat na gruponan òf bini ku reglamentu pa gruponan ku ta duna e posibilidat pa restringí e kantidat di partisipantenan pa gruponan pa dje forma ei bo logra ku lo por tin mas grupo ku ta bira mas kreatividat den kaya...

Aña pasá nos tabatin si mi no ta kibuká 23 grupo pa Marcha Grandi, awor aki esaki a bira...

E situashon aktual mester bira un  punto di atenshon ku mester sinta i plania un strategia...

Tin dos banda ku tin tur indikashon ku nan lo ta pará kantu di kaya, pasó nan grupo no ta bai mas...

No ta nada fásil tampoko pa músikonan ku ta plania i traha pa por ehèmpel partisipá na Festival di Tumba i despues tin un grupo pa nan toka p’é, anto e situashon ta presentá ku grupo no ta bai mas i awor akí bo ta tur lat di mundu pa bo haña un grupo nobo...

M’a tende preis ku un banda popular ta kobra i ora ku bo konta henter e produkshon musikal, di banda, treiler, produkshon di video, zonido i músikonan invitá pa toka ku e banda bo ta yega na un montante ku ta surpasá 100 mil florin fásilmente...

E  kantidat di eksigensia ku bandanan popular ta pone pa e grupo kumpli kuné ta solamente gruponan ku ta organisá eventonan grandi ku ta trese un ganashi lo por kumpli kuné...

Nos ta keda pendiente pa AGKK su plan di akshon pa por logra partisipashon di mas grupo di Gran Marcha...

Tabata un plaser, awe ta AMAK 5or di atardi ku e eksperensia úniko di Tumba +(plùs) i despues Liga Blowi pa 6.30 ku informashon riba nan jump in na ofisina di Digicel...

Felis dia, te mañan ku Dios ke !...