Djárason, 21 di yanüari 2026, siman a parti na dos aki...

Luna di yanüari a manera kana lihé...

Lista di dianan preliminar pa Festival di Tumba 2026 a keda publiká, tur hende a haña chèns pa wak unda òf ku ken tur kantante ta bai partisipá i a analisá tambe e kombinashon di kantante, kompositor i areglista...

Kuminsá stèl bo mes pa entrante djaluna awor bo kumpra bo korant EXTRA pa bo partisipá den e kampaña di Rei ken ta sali Rei òf Reina di Tumba 2026...

Mi tei chek ku kolega Sin mayan pa mi tin tur detaye di loke e pakete lo kontené e aña aki...

Tur aña sin ta pèrkurá pa nos tin un pakete grandi pa sigur 10 persona por disfrutá di nan Karnaval ku e tremendo premio aki...

Pa gana ta parse fásil, pero e no ta, bo mester rei ken lo sali Rei òf Reina di Tumba i nan promé finalista...

E kombinashon ganadó aki no ta nada fásil, bo mester wak, skucha e tumbanan ku presentá i skohe bo faboritonan...

Pone bo mes kla pa partisipá, kòrta e formulario, yena esaki i bin deposit’é na kantor di Korant EXTRA ...

Ayera tabatin rueda di prensa di Gobièrnu kaminda diferente instansia gubernamental a kompartí informashon riba Karnaval...

Den bo korant faborito EXTRA nos tin e diferente artíkulonan ku ta referí na esnan ku a hiba palabra ayera durante dje rueda di prensa...

Nos ta kompartí ku bo awe dos kampaña, esun di stellage i tambe un ‘challenge ku tin...

Ayera ma keda informá ku Marcha riba Kabai lo tin apart e motosaikelnan tipo Harley/ easy riders nan lo tin e aña aki outonan Mustang ku lo forma parti dje marcha...

Den e reunion entre Aspafiko i Kuerpo Polisial Kòrsou a bira ofisial ku e grupo di Mustang tambe lo partisipá...

Marcha di Kabai ta tuma lugá riba djadumingu, 1 di febrüari 2026...

Gobièrnu ayera a anunsiá e kompetensia ku yama:”Esaki ta e Blue Wave”...

Dòrna stelazje, banki òf T-shirt. Pa por partisipá den e kompetensia aki mester tin un lema original ku ta trata karnaval, nos mundial òf tambe “Blue Wave”...

E mensahe mester ta inspirativo i positivo i na Papiamentu. Un frase di mínimo di 5 palabra i no mas ku 10 palabra.  E mester ta visibel, tur hende mester por mir’e, kolorido i kreativo...

Pa kategoria di T-shirt esaki mester ta 5 òf mas persona...

Pa partisipá por manda WhatsApp na 5156973 òf por bishita e página di facebook di ESKD...

E premio pa kategoria d stelazje e promé premio ta di 1500 florin, di 2 premio 1000 i di 3 premio ta 750 florin...

Den kategoria di T-shirt , promé premio por gana 1000 florin, di dos premio 750 florin i di tres premio 250 florin. E meta ta pa keda pone énfasis riba Papiamentu...

E di dos kampaña ta “Gol Challenge”, ta purba konektá ku e aña aki e echo ku Kòrsou ta bai mundial, i Festival di Tuma 2026 ta dediká na Ismael “Ike” Jesurun...

A bin ku un “challenge” pa baila di forma kreativo riba e tema di “Den Gol” di Ike, kual tema el a gana 30 aña pasá kuné i a bira Rei di Tumba...

Pa esaki, tin oportunidat pa gana karchi pa bai festival di tumba. E promé premio ta 5 pakete di karchi “Red Carpet”...

E promé finalista ta haña 3 pakete di “red carpet”, i di dos finalista ta haña 2 pakete di “red carpet”...

Por manda e vidio via di e WhatsApp ariba menshoná...

Mester aktivá lihé, i por partisipá te ku 24 di yanüari, paso 25 yanüari parti atardi ta saka e ganadónan pa Festival di Tumba...

Prekario a digitalisá kompletamente i a atendé 1132 kliente, djis pa bo sa kuantu hende tin un stelazje kantu di kaya...

Klientenan nobo ku a apliká pa prekario tabata 456 di kua 240 a risibí derechi riba un pida parsela den e rifa outomatisá ku a tuma lugá siman pasá...

Di 21 pa 27 di yanüari, paso den e periodo aki den kada sekshon Tim di Prekario ta bai apuntá klientenan di prekario e pènchi di nan parsela...

Fecha pa kuminsá traha stelazje ta 31 di yanüari pa 12’or di anochi...

Kòrda ku mester kumpli ku loke ku tin komo regla den e pèrmit...

Ensayonan pa Festival di Tumba ta tumando lugá i bo ta mira legria den kara di kantantenan ora ku tur kos ta kanando bon, segun nan a spera...

E kantante kontentu, ku a sinti e dulsura di su tumba ta duna mihó presentashon ...

Supladónan a yega Kòrsou i ensayonan tei kue forma, awe nos tin idea di kuminsá pasa algun ensayo...

Te mañan ku Dios ke!...