Shonnan un felis djamars, e dia despues dje promé anochi di Tumba 2026...

AMAK a start un tiki lat pa motibu di áwaseru den kuminsamentu...

Djei mester a warda Jeon yega Kòrsou pa su presentashon...

Públiko a disfrutá di su presentashon, ounke áwaseru tabata kai, despues spat...

Si no tabata pa motibu dje tardansa, lo e tabata e show perfekto...

Deskarga Korsoueño Show a presentá nos patriota mayó Robert de Jesus, e úniko tumba ku nan a partisipá kuné...

CATIPA, tabata e di dos banda pa presentá...

Keano tabata e promé i a duna un bon presentashon...

CATIPA a zona bon, den sentido ku bo por a skucha un adelanto den preparashon i produkshon dje piesanan ku ta programa...

Ori Frans, su intro a hala atenshon...

Mei mei di su presentashon e tumba a para, loke promé indikashon ku e kòmpiuter a ”jam”...

E parti aki te rísiko dje partisipashon ku piesanan programá...

Informashon ku a keda duná ta ku tabatin problema ku e zonido ...

Ori a haña chèns pa bolbe presentá su tumba i a duna un bon presentashon...

Ori a pone e públiko move i a risibí su aplouso na final...

Ta su di 3 aña ku Ori ta partisipando...

Edion Loloi Booy a presentá Preshon rib’e Kabes...

Und'e kabes por ta? Ei bou, bou di viadùkt...

E públiko a disfrutá, nan a gusta su kabes...

E último pa CATIPA, tabata Mosta Man, un tumba komponé pa Jeon...

Mosta a gradisí Jeon, Catipa, Mambi i tur ku a koperá ku su partisipashon....

Ba kòrda pa kòrta e formulario pa por partisipá den e kampaña di Rei ken ta sali Rei òf Reina di Tumba 2026...

Aden ta konta, wak, skucha i skohe bo 2 faboritonan...

Tanten tumba ta zona tin preparashon tumando lugá pa esnan ku ta bai harma nan stellage kuminsando djasabra awor...

E tim di Prekario tambe ta riba kaya pa pasa i marka i duna instrukshon na esnan ku tin un parsela...

Pa awe djamars anochi nos tin pendiente presentashon di 8 banda i 19 tumba...

Awe nos lo tin 6 kompositor ku a yega di gana e festival, loke ta indikativo ku pa awe nochi e kompetensia lo ta fuerte...

Awe Jefdaney lo defendé su korona ku su presentashon ...

Jef huntu ku Reintje Lijfrock ta e 2 Reinan di Tumba ku ta den kompetensia...

Awe nos kobertura ta yega te aki tumando na konsiderashon e orario ku korant mester sera, te mayan ku Dios ke!...