WILLEMSTAD.- Dia 6 di ougùstùs lo tin komedia na Teatro Luna Blou. E obra ‘Tur hende ariba abou den grupo’ ta skirbí, produsí i dirigí dor di Kenneth Lopez.

EXTRA a entrevistá direktor di esena Kenneth Lopez i aktris Yanitsa Sillé tokante e produkshon. Lopez i Sillé ta biba na Hulanda.

‘Tur hende ariba abou den grupo’ ta un obra konosí na Hulanda. Algun aña pasa Kenneth Lopez a bin fo’i Hulanda ku e obra Kòrsou kaba. Awor Lopez ta splika ku e produkshon ta algu speshal. “Nos ta traha ku hóbennan lokal. Nos a duna nan e oportunidat pa hunga komedia. Mi tin ku bisa ku tin hóben ku hopi talento. Mi ta spera ku hopi hende lo bin wak.”

Karchinan ta optenibel na Mensings Kamainda i 24 Uur uit de muur. Online por kumpra karchi via Facebook ‘The One Big Dream Entertainment’.