WILLEMSTAD. - Ayera durante un kontròl, MEO i su tim a sera un negoshi riba Caracasbaaiweg, pa motibu ku e doño a falta ku regla.

Durante kontròl, MEO a bishitá e negoshi i tabata remarkabel ku e negoshi tabata habrí, pa motibu ku ta trata di un pakus ku ta bende paña.

E doño a presentá ku un eksonerashon ku e por ta habrí. Pa motibu ku e ta bende hardware tambe. Esaki a pone ku e ta obligá tur su trahadónan pa presentá na trabou pa nan traha.

Pero ora ku e funshonarionan di MEO a kontrolá e negoshi, nan a tuma nota ku tabatin solamente un rèki chikí ku tin algun brel pa trabounan di konstrukshon, algun hanskun i sinta pa midi kuné, den rèki i mas nada di hardware.

Esaki MEO no ta konsiderá komo hardware i a sera e negoshi i mester keda será te dia ku kita e ‘lockdown’.

Esaki klaramente ta trata di un komersiante desesperá ku ta trata di tur manera tene su negoshi habrí, pero den e kaso aki e no ta logra.