WILLEMSTAD.- Durante kontròlnan ku a keda ehersé djárason anochi, e funshonarionan a konstatá ku komersiantenan a kuminsá baha man i minimalisá e uso di tapa boka tantu di nan banda mes komo serka klientenan.

E tim konsistiendo di e.o MEO i Polis a bai den diferente área manera e.o: Winston Churchillweg, Rooseveltweg, Juan Hato, Kaya Frank Curiel Buenavista i Schottegatweg West A kontrolá 5 establesimentu miéntras ku asera 2 establesimentu i repartí 8 prosèsverbal.

Na Californiëweg doño di un establesimentu a haña prosèsverbal. Na Amerikaweg, Juan Hatoweg i Schottegatweg West a konstatá ku komersiantenan ta sirbi kliente sin ku nan ta usando tapa boka. Aparte di esaki nan tampoko no a kumpli ku e orario di sera.

E kontròlnan aki ta kontinuá pues ta konsehá tantu kliente komo doño di establesimentunan pa nan sòru di tene nan mes na regla.