WILLEMSTAD.- Komersiantenan den kaya max F. Henriquez ta bastante preokupá ku e situashon di e riolering ku ta pasa den e kaya aki.

EXTRA por a tuma nota ku e nivel di awa ya a yega te ariba na e rant i a kuminsá basha afó. Esaki ta pone ku si áwaseru kai, e hanchi aki lo wòrdu inundá.

E problema aki tin basta tempu andando. Na vários okashon a hasi yamada na esnan konserní pa buska un solushon, pero esaki nunka a keda realisá, sperando e siguiente kaida duru di áwaseru ku lo kousa molèster den e aria atrobe.

Komersiantenan ta pidi pa di tantísimo bia pa e instansianan konserní atendé e problemátika aki pa  evitá un desaster  si awa kai duru.