WILLEMSTAD.- Direktor di Maduro & Curiel’s Bank Lionel ‘Chicu’ Capriles djamars último a bisa EXTRA ku ‘e pregunta di Girobank tin tantu tempu ta desaroyando ku nos no ta spera muchu konsekuensia di e notisia aki pa nos mas.’ Ku esaki Capriles ta reakshoná riba notisia ku ayera den oranan di mèrdia a sali. Girobank ayera a emití un komunikado ku ta urgi tur kliente pa lanta tur fondo disponibel inmediatamente. E yamada urgente ta bai na tur kliente di Girobank ku un kuenta koriente i/òf di spar na Girobank pa lanta tur nan fondo disponibel inmediatamente. A korto plaso lo terminá tur servisio bankario, Girobank a bisa.
Segun ‘Chicu’ Capriles situashon na Girobank no por a bin komo un sorpresa. ‘Nos ta kere ku tur kliente di Giro ku kier a habri un kuenta na otro instituto finansiero lo a hasi esaki kaba.’ Komo konsekuensia MCB no ta spera hopi konsekuensia di e desishon di Girobank