Kompanianan di Karibe por partisipá

WILLEMSTAD/KINGSTON, JAMAICA.-Kompanianan den Karibe, pues Kòrsou tambe , ku ta spesialisá riba konstrukshon di kaminda, energia renovabel, infrastruktura òf kualke otro servisio den e direkshon ei, esaki por ta un bon oportunidat pa krese. Gobièrnu di Jamaica a pone 2.4 miar dòler merikano disponibel pa re konstrukshon di e pais, asina Money Media di Jamaica ta informá.

Kompanianan lokal por hasi bon uso di e oportunidat aki. EXTRA ta pendiente reakshon di empresarionan den e área aki.

E minister di komersio i industria sr. Aubin Hill gobièrnu a reserva 2.4 miar dòler merikano spesífikamente pa e propósito menshoná. Manera ta konosí Jamaica a risibí kasi 7 mion dòler di fiansa for di institutonan finansiero internashonal pa rekonstrukshon di e pais despues di e orkan Melissa.

E plaka ta destiná spesífikamente pa rekonstrukshon di tal forma ku ta hasi Jamaica mas resiliente. Minister Hill a deklará resientemente ku gobièrnu ta buskando partnernan pasobra e intenshon ta pa konstruí pa futuro.

E atenshon ta pa yega na infrastruktura ku ta resiliente pa loke ta trata klima, tambe uso mas ‘smart’ di tereno i tambe alsa e nivel di produktividat. Kompanianan ku ideanan inovativo esaki ta e momentu pa dal e paso,asina e informe for di Jamaica ta indiká.