WILLEMSTAD.- Durante kontròlnan ku funshonarionan di MEO a ehersé ayera nochi riba trùknan di pan, a konstatá tres persona indokumentá laborando den trùk di pan ku un karchi di kùr válido.

Ta trata aki di un trùk di pan riba Oude Weg naar Westpunt kaminda a haña 1 hende muhé, i un otro trùk di pan na Jan Noorduynweg kaminda a haña 2 hende hòmber. Tur tres persona indokumentá, pero ku karchi di kùr válido. Mesora a lanta e pregunta serka e funshonarionan kon esaki ta posibel?.

E funshonarionan di MEO no por a hasi nada e momentu ei, pero a keda di pone outoridatnan na altura pa investigá kon por ta posibel ku hende indokumentá ta logra kùr i laborá den trùknan di pan.