WILLEMSTAD - Awe mainta Hoge Raad na Den Haag a anunsiá ku ta mantené kastigu di Arthur Hogesteger den kaso di asesinato di Cristina Barry na 2015. E Kondena ta keda definitivamente 24 aña di prisòn. Manera ta konosí dia 15 mart 2015 Kòrsou a keda di shòk ku e kaso di asesinato aki. Pasobra den promé instansia a parse di tabata un kaso di atrako ku a terminá fatal, pero despues a bin resultá ku ta Hogesteger mes a asesiná su kasá ku mas di 30 hinká di kuchú. Den korte di promé instansia Hogesteger a keda sentensiá na 24 aña di prisòn. El a apelá e sentensia i korte apelashon tambe a konfirmá e kastigu. Testigunan silensioso a kondusí na Hogesteger su kondena. Awor Hoge Raad a hasi e kondena definitivo.

Den edishon di EXTRA mayan lo tin mas detaye.