ORANJESTAD.- Durante di un konferensia di Prensa ku ta tumando lugá na e momentu nan aki na Aruba, Promé Minister di Aruba Sra. Evelyn Wever-Croes a konfirmá ku Aruba tin su promé dos kasonan di Corona Virus.

E prome persona ta un Merikano ku ta na Aruba pa algun dia for di Merka (e tabata na otro paisnan den eksterior ku ta afektá), y e otro ta un Arubiano ku a bolbe for di New York resientemente. Fuera di esaki, a anunsiá ku ta sera espasio aéreo pa buelonan for di Europa y otro paisnan ku ta riba lista di WHO. Tambe ta kanselá tur aktividat públiko te fin di luna. Tambe a disidí ku ta sera tur skol entrante otro siman.

E promé persona, e Merikano, a bin Aruba komo consultant pa e kompania WEB y e ta isolá na hospital. Ta nifiká ku vários persona tabatin kontakto ku e persona aki y ta den kontakto ku departamento di salu. Trabounan a tuma lugá kaba na WEB unda ku ta trahando ku esnan posiblemente afektá. Lo trata e personanan aki tambe y tèstnan pa posibel kontagio. E persona lokal ta un poko mas fásil pa atendé, ya ku e ta isolá na su kas.

Mas detaye den korant EXTRA mañan mainta.