Awor gobièrnu por kumpli ku proveédonan

WILLEMSTAD.-Konseho di Minister di Reino den su reunion a bai di akuerdo ku un fiansa di sosten pa likides pa gobièrnu di Kòrsou na rason di 76 mion. Manera ta konosí Kolegio di Supervishon Finansiero (CFT) a duna konseho na sekretario di estado Raymond Knops pa duna e sosten pa likides na e montante menshoná. Esei ta basa riba e pronóstiko di nesesidat ku Kòrsou a presentá. Den promé instante e gobièrnu aki a pidi Ulanda un sosten pa likides na rason di 206 mion. Di esei ya kaba Kòrsou a risibi 95 mion. Awor ta bai haña 76 mion.

Den kombersashon ku EXTRA minister di finansa Javier Silvania a splika ku tin hopi kompania i hende ku a  brinda servisio òf a entrega produktonan na gobièrnu, i awor ta bai sòru pa e hendenan ei tambe kuminsá kobra parti di loke gobièrnu debe nan.

Punto ta ku Kòrsou a kumpli pa gran parti ku tur e eksigensianan ku Ulanda ta imponé pa bini na remarke pa haña e sosten pa likides pa e último kuartal di 2021. Tur detaye den edishon di EXTRA.