WILLEMSTAD.- Konsulado merikano na Kòrsou ta kontribuí na un Kòrsou mas salú i mas bèrdè dor di regalá 225 palu. Den kuadro di konmemorashon di 225 aña di Konsulado Merikano na Kòrsou, e kònsùl general a regla pa duna 225 palu na diferente institushon riba e isla. Dor di planta e palunan, nos ta desaroyá sostenibilidat, redusí polushon i menasá den medio ambiente, protehá tera su lugánan natural pa e próksimo generashon i honra e aña aki e tema di dia di tera; restorá nos planeta.

Bucida Buceras konosí komo Shady Lady ta un palu di Amérika sentral i sùit pero tambe di Karibe. E ta krese solamente den klima kayente i ta un palu relativamente fásil pa mantené ya ku e ta adaptá su mes na tur tipo di suela. Tambe e ta un palu ku ta duna bon sombra.

Mas di 200 di e palunan aki a keda planta den diferente lugá na Kòrsou entre otro na International School, Radulphus College, Albert Schweitzer VSBO i University òf Curaçao dr Moises da Costa Gomez. Tambe a duna algu di e palunan na Curaçao Medical Center pa nan por planta esakinan pronto. E palunan aki no solamente ta duna sobra pero miéntras nan ta krese nan lo bira un lugá kaminda pashèntnan por gosa di naturalesa i studiantenan por studia den un ambiente limpi i habrí.

Departamento di estado merikano ta trahando ku organisashonnan internashonal. Sosiedat sivil i otro gobièrnunan a sostené e maneho i programanan pa konservashon i restorashon di mondinan.