WILLEMSTAD.- Riba Nieuwe Caracasbaaiweg polisnan mester a atendé ku un situashon kaminda un kònteiner di karga a kèntel. Esaki tabata poné nèt dilanti un negoshi. Probablemente algu a bai robes ku e chasis òf e pia i a pone ku e no por a wanta e peso mas.

Afortunadamente ta djis kèntel e kònteiner a kèntel i esaki no a bòltu. Pa seguridat di tur hende polisnan a sera e área ya asina por a atendé ku e situashon. A bin ku trùk spesial pa por yuda hala e kònteiner bèk i kita esaki for di riba e pia ku ya no tabata wanta mas, despues ku a deskarga e kònteiner.

Despues ku tur kos tabata sigur, a habri e kaminda bèk pa públiko.