WILLEMSTAD.-E tim di kontròl a sigui ku nan tarea i den e kaso aki a bai na un sitio di konstrukshon patras di Saturnusstraat na Janwé, no muchu leu di e rotònde di Janwé. Pasando riba Caracasbaaiweg tambe por nota un konstrukshon di edifisio bastante grandi ta tumando lugá.

Na e sitio EXTRA a tuma nota ku algun trahadó no por a sigui ku nan trabounan mas. Manera ta konosí e tim di funshonarionan aki ku ta representá diferente servisio di gobièrnu ta kontrolá pa tur dokumentu i pèrmitnan ta na òrdu i meskos ta kontrolá si tin trahadó ilegal, i si e kontratista ta kumpli ku leinan fiskal i laboral. E sektor di konstrukshon meskos ku vários otro sektor tin hopi skarsedat di trahadó, sinembargo mester apliká pa pèrmit di trabou di trahadó ekstranhero i kumpli ku pago hustu konforme leinan lokal. Mas detaye den edishon di EXTRA.