Despues ku lei a drenta na vigor 1 di yanüari último ainda no ta tene na regla

WILLEMSTAD.-  Ayera den oranan di mainta, polisnan di UST, di tráfiko  i tambe personal di lokal di kùr, a bai para na entrada di Porta Blanku, pa asina kontrolá trùknan di santu ku ta  drenta sali na Mijn Maatschappij. For di promé di yanüari último tur trùk ku ta sali ku santu òf greis mester tin un tarpol riba e baki, pa asina evitá  ku piedra òf santu ta bula sali i bai resultá tantu riba karetera, komo riba glasnan di outomobilista nan. Durante kontròl polis a konstatá ku vários di e trùknan no tabata disponé di un tarpol. Banda di esaki hopi di nan tabatin glasnan pretu i tambe vários dokumento ku no tabata na òrdu.  Relashoná ku esaki vários shofùr a haña but. Polis lo kontinuá ku tipo di akshonnan asin’aki den forma inesperá.