WILLEMSTAD.- Despues ku siman pasá funshonarionan di e tim multidisiplinario formá pa entre otro MEO, Brantwer, BAB i tambe departamento di pèrmit di kuerpo polisial di Kòrsou a sigui ku kontròl riba tur establesimentu ku ta bende kos di kome i bebe ku ta keda riba ruta di karnaval.

Meta di e kontròl aki ta pa wak si tur e establesimentunan aki ta funshoná segun lei i asina hasi e kontròlnan durante di karnaval ménos pisá.

Establesimentu òf propietarionan ku no tabata kompletu a risibí un atvertensia i dos siman di tempu pa asina pone tur kos na òrdu.

Na momentu ku e tim multidisiplinario regresá promé ku marchanan di karnaval i ainda e establesimentu no ta funshoná di un forma korekto lo sera esaki i e por habri bèk te despues di karnaval.