WILLEMSTAD.- Na e momentu aki polis, duana, imigrashon i MEO ta na barkunan di fruta na Sha Caprileskade den kuadro di un kontrol rigoroso. E funshonarionan a sera Punda i a pone tur e bendedónan sintá abou pa asina por hasi un kòntròl hopi detayá.

Ta kontrolando den e barkunan i tambe e área kaminda ta pone e fruta i berduranan pa bende ku públiko. Ta kontrolando tur dokumentu di barku i e personanan ku tin ta trahando. Tin indikashon ku lo tin venezolanonan ku a drenta ilegal i ku ta buska manera pa infiltrá i traha komo bendedó di fruta i berdura. Mas detaye den edishon di EXTRA.