WILLEMSTAD.-  Durante di e último dianan outomobilistanan por a tuma nota di muchu mas kontròl di tráfiko riba kaminda.

Segun informashon ku EXTRA ta disponé di dje, t’asina ku a kuminsá oumentá e kontròlnan aki mirando ku a konstatá hopi “free for all” bou di e outomobilistanan.
Durante di kontròlnan a konstatá ku shofùr ta kore sin reibeweis bálido, ku glas pretu, sin faha di seguridat bistí, papiando na telefòn i tambe sin ku dokumentonan ta na òrdu.

Esaki ta motibu pa kual a kuminsá oumentá e kontròlnan aki i asina pone ku e agentenan ta kontrolá na diferente sitio rònt Kòrsou.

Outomobilistanan ku no kier pasa den mal ratu na momentu ku nan keda pará pa polis, sòru pa bo tin bo dokumentonan na òrdu i manehá bo vehíkulo riba kareteranan manera debe ser.

LAGA UN KOMENTARIO

Please enter your comment!
Please enter your name here