WILLEMSTAD.- Den e último dianan, outomobilistanan por a tuma nota ku tin muchu mas kontrol di tráfiko riba kaya. Pues outoridatnan a intensifiká e kontrolnan.

Tambe ta tumando nota ku tin basta outomobilista atrobe ku ta move riba kareteranan sin ku dokumentonan di e vehíkulo ta na òrdu. Lógikamente esaki ta trese un disgustu serka e outomobilista mes mirando ku polisnan ta parti prosèsverbal.

Ayera nochi mes tabatin kontrol basta grandi riba Schottegatweg West i tambe den kaya grandi na Otrobanda.