WILLEMSTAD.- Kooyman Kòrsou a koroná ganadó lokal di ‘Caribbean Handyman Challenge’. Despues di un luna di kompetensia, Pieter- Bas Voogt a resultá ganadó di $1000 Kooyman Credit.
Dia 30 di aprel na momentu ku a lansa e ‘Challenge’, Kooyman a risibí un kantidat enorme di registrashon. Djei a selektá dies partisipante for di e promé buèlta, kaminda nan a haña enkargo pa traha un stul di zoya.
‘Nos a risibí algun proyekto sumamente interesante. Nos tin hopi talento riba e isla akí i tabata great pa eksperensiá e proseso”, segun Zinah Croes, Senior Marketing Officer na Kooyman. Un grupo di tres hurado lokal i votonan públiko tabata sufisiente pa husga e stulnan. Despues di kombiná votonan di hurado i esunnan di públiko, Pieter-Bas Voogt i Gino Martina a resultá e dos finalistanan.
Seguidamente e dos finalistanan a haña e reto pa bin traha un kas di kachó dilanti di públiko, na Kooyman. Zinah Croes a deklará: “tabata asina eksitante pa opservá. Presensiando e dos finalistanan elaborá e proyektonan den e tempu korto ku nan a haña tabata mashá inspirativo. Na Kooyman semper nos ta dirigí riba selebrá ku nos personanan D.I.Y, (Do It Yourself) esunnan ku ta ‘krea ‘den nan tempu liber, i e ‘handyman’ di kas. Pues e kompetensia akí definitivamente a demostrá esaki.
Awor Pieter-Bas Voogt ta bai kompetí kontra e otro ganadónan di Barbados, St. Maarten i Aruba pa wak ken lo resultá ganadó apsoluto di e ‘Caribbean Handyman Challenge’. Votashon lo tuma lugá “on line”, i lo anunsiá e ganadó dia promé di yüli. E ganadó lo risibí $3000 Kooyman credit adishonal, pues e “Best Caribbean Handyman” lo bai kas ku un total di $4000 Kooyman credit.
Kooyman ta yama danki na tur ku a partisipá na e “Caribbean Handyman Challenge” aki, i ku a kontribuí na e tremendo éksito.