WILLEMSTAD.- Den kuadro di selebrashon di Dia di Bandera, Autobusbedrijf Curaçao (ABC) ta invitá tur usuario ku ta miembro di Fortuna pa gosa di kareda GRATIS rònt Kòrsou.
Pa por kore den konvoi grátis, dia 2 di yüli 2025, tur usuario di ABC ku ta miembro di Fortuna mester tap nan karchi di Fortuna òf skèn nan ‘barcode’ den e app di Fortuna na e terminal spesial di Fortuna ku ta instalá den ABC su konvoinan.
For di desèmber 2023, ABC ta kolaborando ku Fortuna pa ofresé un benefisio adishonal na e komunidat di Kòrsou: e posibilidat di troka Fortuna Points pa kareda riba tur konvoi di Autobusbedrijf Curaçao. Kada kareda regular ta kosta 145 Fortuna Points.
ABC ta invitá tur usuario ku ta miembro di Fortuna pa skohe pa un manera diferente di keiru riba nos dia nashonal. Konektá ku nos isla, usando Fortuna i disfrutá di e regalo ku ABC i Fortuna ta ofresé riba e dia aki na komunidat di Kòrsou.