WILLEMSTAD.- Riba e kaminda di Bándabou, spesífikamente Willebrordus, San Sebastian, Krakeel tin trabounan ta tumando lugá. Parse ta trabounan pa kambia òf renová tuberia. EXTRA a haña yamada di outomobilistanan ku ta kore e kaminda aki tur dia i a kier pa otronan tene kuenta ku tin trabounan ta tumando lugá. Hopi parti di e kaminda, esaki ta bira mas smal, praktikamente pa un outo so kore, pero tin outomobilista ku asina tantu pura ta kore pasa duru, pone ku e otro ku ta bini di direkshon kontrali tin di baha kasi den mondi pa evitá un aksidente. I p’esei un yamada na tur ku ta kore e kamindanan ei e dianan aki pa paga tinu i kore ku koutela.