WILLEMSTAD.- Un área ku pa hopi ta un área deportivo pa rekreá, kana, sosialisá i relahá awor ta un área hopi deskuidá.

Personanan ku diariamente ta hasi uso di koredor a aserká EXTRA  ku e preokupashon di kon e instansianan konserní a laga koredor bai sin ku ta mantené esaki.

Asina tantu mata a kuminsá krese den e área aki kual a pone ku denter di algun dia kasi lo no por kana riba e kaminda aki mas. Aparte di hopi mata, esaki ta trese kuné tambe hopi bestia.

Ta spera ku e instansianan konserní pasa den e área aki, tira un bista i asina hasi e área aki unu agradabel bèk pa tur esnan ku ta hasi uso di dje diariamente.