WILLEMSTAD.-E sifra di kantidat di hendenan ku a bakuna na Kòrsou a yega 60.601 te 10 or di mainta, asina e tim di bakunashon ta informa. E sifra di esnan ku a registrá te awe mainta ta 71.592 i esnan ku a risibi e promé bakuna ta 60.601. esnan ku a risibi di dos bakuna kaba ta 15.160. E total di bakuna apliká te awor ta na 75.761.

Lista ofisial di posishon di paisnan ku mas poblashon bakuna ta mustra ku Kòrsou ta na promé lugá. Kòrsou. E lista ta indiká e kantidat di bakuna ku a keda suministrá pa kada 100 habitante siman pasa, riba un lista di 25 pais rònt mundu.

Kòrsou pues ta na promé lugá, sigui pa San Marino, Uruguay, Bahrein, Malta, Maladiven, Merka na number 7. Ulanda ta na number 18 riba e mesun lista ei i Fransia ta den bòm na number 25. Un tremendo trabou realisá pa e tim lokal di médikonan, enfermeranan, Krus Kora i otronan ku ta partisipá den esaki.