WILLEMSTAD – Awe a tuma lugá e sorteo preliminar di Concacaf na kas di FIFA na Zürich. Kòrsou lo kana e ruta pa klasifikashon pa Kopa Mundial 2022 den Nort Amérika, Amérika Sentral i Karibe, Concacaf, den Grupo C. Kòrsou komo lider di grupo a haña komo kontrinkante Guatemala, St. Vincent and the Grenadines, Cuba i British Virgin Island.

Na 2015 Kòrsou a enfrentá Cuba na dos okashon, ámbos wega a keda empatá, 0-0 i 1-1. Tabata na 2014 ku tabata último biaha ku Kòrsou a topa ku St. Vincent and the Grenadines i a pèrdè ku skor di 1-0 den e wega ei. Aktualmente Kòrsou ta na di 13 puesto riba e tabla di ranking di Concacaf miéntras ku Guatemala ta na puesto number 9. Cuba ta na lugá 14 djis nos tras, St. Vincent and the Grenadines ta na puesto 23 i finalmente British Virgin Island na último lugá na 41.

Tin 35 asosiashon miembro den Nort Amerika, Amerika Sentral i Karibe i ta un momentu signifikante ku a determiná e ruta pa e promé i último buèltanan di e format nobo di klasifikashon. E grupo di sorteonan tabata lo siguiente:
Pot1: El Salvador, Canada, Curaçao, Panama, Haiti, Trinidad and Tobago;
Pot2: Antigua and Barbuda, Guatemala, St Kitts and Nevis, Suriname, Nicaragua, Repúblika Dominikana;
Pot3: Grenada, Barbados, Guyana, St Vincent and the Grenadines, Bermuda, Belize;
Pot4: St Lucia, Puerto Riko, Cuba, Monserrat, Dominica, Cayman Islands;
Pot5: Bahamas, Aruba, Turks and Caicos Islands, US Virgin Islands, British Virgin Islands, Anguilla.

E promé rònt di klasifikashon ta bai di forma di round robin, kual ta nifiká ku tur ekipo ta bai hunga kuater partido. Dos ta bai ta na kas i dos komo bishitante.

Den di dos rònt e seis ganadónan di grupo ta bai konfrontá e format di eliminashon di hunga na kas i komo bishitante  den tres partido. E ganadónan  ta sigui pa e ronda final. E ronda final ta bai konsistí di e tres ganadónan di e di dos rònt i e sinku ekiponan mihó riba ranking di Concacaf segun e ranking di FIFA. E gruponan pa e ronda final ta lo siguiente:
Pot1: Mexico, USA, Costa Rica, Jamaica, Honduras, ganadó A vs F, ganadó B vs E, ganadó C vs D;
Pot2: ekiponan 1 te ku 8.