WILLEMSTAD. - Kòrsou ta konosé otro aksidente lamentabel na altura di Weg Naar Welgelegen/Scheidelaar. (Pega ku Moskee). Te na momentu ku EXTRA a bai imprenta, dòkter no a yega pa konstatá morto, pero tabata opvio ku e víktima no ta duna señal di bida. Personal di ambulans ku a yega na e sitio, no por a hasi nada mas pa e víktima. Esaki lo bira e di 6 morto den tráfiko. Kousa di e aksidente no ta muchu kla ainda, pero e vehíkulo di e víktima a dal den un otro outo di famia, un Hyundai Elantra i e outo aki a resultá den un muraya ku e konsekuensia ya menshoná.