WILLEMSTAD. - Ya ta un tradishon ku pueblo di Kòrsou ta sali kas i selebrá dia di Rei. Ayera esei tabata e kaso atrobe. Den mayoria parti di Kòrsou tabatin aktividatnan relashoná ku selebrashon di Dia di Rei. Sentro di suidat manera kustumber tabata yen di hende, tantu den Punda i na Otrobanda. Pakusnan ku ofertanan i tambe stèntnan ku hopi kos di bende.

Djadumingu anochi tabatin selebrashon  di anochi di Rei bon animá i ku hopi hende. Esaki tabata den Nieuwestraat ku for di atardi trempan, hopi hende a kuminsá  yega pa selebrá e dia di Rei.

Tabatin presentashon di diferente DJ ku a krea un ambiente yen di energia ku presentashonnan riba vários esenario. Públiko a disfrutá. Riba e kombinashon di potrèt por haña un impreshon di e tremendo ambiente.