Ku sumo orguyo Curaçao Ports Authority (CPA) ta anunsiá ku Kòrsou atrobe a sali e mihó destinashon krusero den Sur di Caribe di akuerdo ku 'Cruise Critic Cruiser’s Choice Destination Awards'. 'Cruise Critic' ta e rekurso krusero 'online' mas grandi di mundu. E nominashon ta basá riba eksperensia di pasaheronan krusero ku a bishita Korsou i ku a 'post' nan komentarionan riba e website di 'Cruise Critic' durante di e aña ku a pasa. Bishitantenan a komentá ku Kòrsou su puerto i sentro di suidat ta un di esunan mas bunita i spektakular den Caribe! Un pabien na tur 'stakeholder' den e sektor krusero ku ta traha duru tur dia pa hasi e eksperensia di bishitantenan krusero ku ta bin Kòrsou unu inolvidabel!