SAINT JOHN.- Selekshon Little League di Kòrsou despues di a pèrdè promé wega, a bini bèk duru pa gana Antigua ku skor di 28 pa 0 djaluna mainta. Kòrsou a habri ku Jamdrick Cornelia ku a tira fásil pa gana e wega.

Tishairo Römer a relevá mas despues.  Mairoshendrik Martinus di 5-4, Joharvy Martines a bati di 4-3. Kevin Blindenburg a dal un homerun den tereno. Josiane Rosina tambe a dal un homerun i a bai di 2-2.

Segun transmishon di radio e wega a terminá 29-0. Naturalmente ku tantu kareda asina ei hopi chèns ku naradó i komentarista por brua den e skor, pero riba wèpsait di Little League ta indiká ku e wega a terminá ku skor di 28-0. Kòrsou lo hunga kontra Sint Maarten awe 2’or.

Selekshon di Kòrsou ku a gana ayera vs Antigua i lo hunga awe 2’or vs Sint Maarten. Mairoshendrik Martinus di 5-4 pa Kòrsou Little ayera.

Joharvy Martines di 4-3 pa Kòrsou.