WILLEMSTAD.- E akuerdo di kompromisonan pa kombatí plèstik (CAPP) ta un programa nobo ku ta trese transparensia pa e komunidat di Kòrsou i stimulá aktividatnan pa redusí plèstik. Kòrsou lo ta un di e tres paisnan ku lo forma parti di e komunidat internashonal di CAPP i lo resultá den mehorashon i implementashon di strategianan, proyektonan, resultadonan i investigashon pa redusí plèstik.

E tim di ekspertonan di e programa di CAPP ku tin eksperensia riba áreanan manera polushon di plèstik, ekonomianan di islanan, diseño di retnan i kolaborashon, gustosamente ta anunsiá ku Fiji i Seychelles tambe lo forma parti di e paisnan flagship. Un estado flagship lo traspasá e konosementu di CAPP programa pa organisashonnan lokal. Kualke organisashon (sektor privá, gubernamental, NGO, akademia, invershonista òf instituto) lo por forma parti di e programa CAPP ku ta un komunidat global i un multitut di aktornan diversifiká. CAPP ta ofresé un plataforma digital pa krea mas konosementu pa apliká pa prosesonan di desaroyo, gobernashon, kapasitá un komunidat, siensia i monitoreo di polushon di plèstik.

"Gobièrnu di Kòrsou ta orguyoso di ta un di e promé paisnan flagship di e programa CAPP.  Gobièrnu di Kòrsou ta kere ku e esfuerso ta kompletamente aliniá ku e ophetivo ambiental nashonal pa redusí i eliminá plèstik mas tantu ku ta posibel, pa krea un ekonomia sirkular i kontinuá protehá naturalesa i medio ambiente. Tambe pa kontribuí ku sosten tékniko na tur inisiativa lokal. E ophetivo aki ta importante pa metanan sostenibel (SDG) i spesífikamente pa SDG 12.

"Kòrsou ta un pais inovativo riba área di ekonomia blou pa hopi aña kaba. E tim di CAPP ta enkantá di traha ku Kòrsou i otro paisnan pa krea un impakto lokal i ta un ehèmpel pa restu di e mundu segun e deklarashon di señor Arno Boersma, fundadó di e empresa sosial Island Impact.

"Ta un oportunidat maravioso pa tin e promé paisnan flagship den e programa CAPP, i nos ta spera di traha den un forma inovativo riba un solushon pa e problemátika di plèstik segun señor Doug Woodring, fundadó di Ocean Recovery Alliance.