WILLEMSTAD. - Konklushon di e Grupo DRVB ta kla i raspá i nan ta keda para riba “NO MORE RHD!”. Esaki nan ta  enfatisá den un komunikado amplio ku nan a saka awe mainta. Na opinion di e grupo DRVD, t’asina ku e kampo di esnan ku ta boga pa outo Right Hand Drive (RHD) ke krea e impreshon ku ta un gran inhustisia ta kometé kontra nan si gobièrnu ehekutá su plan pa dentro di poko para importashon di tur vehíkulo ku stürwil na man drechi. Pa nan e asuntu di seguridat den tráfiko no ta hunga niun ròl. Diferente pais na mundu kaminda tin un infrastruktura intenshoná pa outo ku e stürwil na man robes, ke men LHD, a introdusí lei pa prohibí importashon di outo RHD. Di mes manera tin pais di RHD ku a pone un paro riba importashon di outo LHD serka nan. Esei ya ta mas ku simplemente un indikashon ku aki tin un problema di seguridat. Den nos edishon di korant Extra mayan, nos lo amplia riba e tópiko aki i e komunikado.