WILLEMSTAD - Despues di un ousensia di dos aña na Williamsport, Kòrsou a regresá ku un meta i esei ta defendé e título di Kampion Internashonal ku a gana na 2019. Covid a stroba Kòrsou defendé nan título na 2020 i 2021. E aña aki e meta tabata fásil defendé e título i bai e gran final i sali kampion di Little League 2022. Pa logra esaki tabatin un pais trabuko den nan kaminda, Chinese Tapei. E pais ku mas título, 17, ku kualke otro pais den historia di Seri Mundial di Little League. Chinese Tapei no a pèrdè niun wega promé ku e final aki durante henter e torneo i mas no tabata atras den niun wega.

Te ora nan a topa ku Kòrsou, tremendo picheo, tremendo defensa i ofensa oportuno a duna nos selekshon e viktoria di 1-0 i asina gana e título internashonal i pasa pa e gran final mayan.