WILLEMSTAD.- Kòrsou i Hulanda ta di akuerdo ku seramentu di un tratado di aviashon ku Finlandia. Esei por komprondé, i esei ta nifiká ku pa medio dje tratado aki e relashon den aviashon ta ser reglá entre Kòrsou i Finlandia. Pa medio dje tratado aki tambe lo bai promové komersio, turismo i invershonnan.

Ku e tratado lo por regla konekshonnan aéreo entre Kòrsou i Finlandia, i tambe e lo inkluí uso di e derecho pa bula over i aterisahe i tambe otro derechonan stipulá den e tratado.

Por bisa ku e tratado aki ta bira posibel pa motibu di e kontenido liberal den e kategoria di “Open Skies”, den kual ta proveé i hasi uso di un libertat operashonal i komersial mas grandi posibel pa kompanianan aéreo. Mas aleu e tratado ta kontené e stipulashonnan di kustumber pa loke ta seguridat, protekshon, tarifanan i rekargonan.

Na Hulanda nos a komprondé ku Konseho di Minister di Reino a bai di akuerdo ku seramentu dje tratado i pa manda e konsepto pa e Departamento di Konseho di Raad van State di Reino i ku bista pa un aprobashon outomátiko. Konseho di Minister ta stipulá si ku e tratado aki lo no konta pa Hulanda, Aruba òf St. Maarten.