WILLEMSTAD.- E konflikto armá entre Israel i Iran ta kontinuá. Despues di e atake Israeli riba Iran dia 13 di yüni último, ámbos pais a bini ta ehekutá atake aéreo diariamente riba otro. E situashon di seguridat den e region ta hopi insigur i imprevisto. Gobièrnu di Kòrsou ta vigilá e situashon i ta konsehá tur residente di Kòrsou ku aktualmente ta na Israel, Iran òf un otro pais den Medio Oriente, pa registrá via e servisio di informashon di Ministerio di Asuntunan Eksterior di Hulanda: https://informatieservice.nederlandwereldwijd.nl

Embahadanan den region

Reino Hulandes tin vários puesto diplomátiko den Medio Oriente, entre otro:

Israel, Tel Aviv: www.nederlandwereldwijd.nl/contact/ambassades-consulaten-generaal/israel/ambassade-tel-aviv

Konseho di biahe pa Israel: No biaha pa Israel. Sali for di e pais si ta seif i posibel: www.nederlandwereldwijd.nl/reisadvies/israel

Iran, Teheran: www.nederlandwereldwijd.nl/contact/ambassades-consulaten-generaal/iran/ambassade-teheran

Konseho di biahe pa Iran: No biaha pa Iran. Sali for di e pais si ta seif i posibel: www.nederlandwereldwijd.nl/reisadvies/iran

Irak, Bagdad: www.nederlandwereldwijd.nl/contact/ambassades-consulaten-generaal/irak/ambassade-bagdad

Konseho di biahe pa Irak: No biaha pa Irak. Sali for di e pais si ta seif i posibel.    www.nederlandwereldwijd.nl/reisadvies/irak

Qatar, Doha: www.nederlandwereldwijd.nl/contact/ambassades-consulaten-generaal/qatar/ambassade-doha

Konseho di biahe pa Qatar: Bo por biaha pa Qatar, pero tin riesgonan spesial di seguridat: www.nederlandwereldwijd.nl/reisadvies/qatar

Inskripshon i kontakto

Pa preguntanan di emergensia por tuma kontakto ku Ministerio di Asuntunan Eksterior na Hulanda,  24 ora pa dia, 7 dia pa siman na +31 247 247 247.

Si bo sa di residentenan di Kòrsou ku aktualmente ta den Israel, Iran òf Medio Oriente, por fabor hasi un petishon na nan pa:

Registrá via servisio di informashon di Ministerio di Asuntunan eksterior na Hulanda (BZ);

Manda un e-mail na info.dbb@gobiernu.cw di Direktorado di Asuntunan Eksterior di Gobièrnu di Kòrsou (DBB) den kua ta menshoná:

Nòmber(nan) i Fam

Number di telefòn

Adrès na Kòrsou

Adrès di residensia na Israel, Iran òf e pais en kuestion

Di e manera akí BZ i/òf DBB sa ken ta den e pais i por mantené e personanan akí na altura di e desaroyonan i duna konseho.

Bo ta biaha pa eksterior?

No lubidá di ‘download’ e BZ Travel App promé ku bo kuminsá bo biahe: www.nederlandwereldwijd.nl/reisadvies/download-reisapp

Sigui e konsehonan di biahe bálido pa bo destinashon.