WILLEMSTAD.- Riba djaluna 8 di sèptèmber 2025, Gobièrnu di Kòrsou ofisialmente a risibí Minister di Turismo, Transporte, Kultura i Deporte di Bermuda, señor Owen Darrell.
E bishita ta relashoná ku e próksimo wega di klasifikashon pa Mundial di FIFA entre Kòrsou i Bermuda. E bishita ta suprayá e relashon estrecho entre e dos paisnan, basá riba e lasonan fuerte ku ta eksistí entre miembronan asosiá di e Komunidat Karibense (CARICOM).
Na yegada na Aeropuerto Hato, Minister Darrell a risibí un kaluroso bon biní di Minister Sithree van Heydoorn di Enseñansa, Siensia, Kultura i Deporte.