WILLEMSTAD.- Djadumingu dia 22 di Mei benidero Korsou tambe lo ta anfitrion pa The Distinguished Gentleman’s Ride 2022. Un evento kaminda mundialmente ta para ketu na asuntunan di Salu di Hende Hòmber, pa yuda, pa asistí den konsientisashon tokante tópikonan delikado manera kanser na prostat, kanser na testíkulo, tambe salu mental & prevenshon ‘sisuisidio’.

Mundialmente e fundashon MOVEMBER ta rekoudá fondo den tur pais ku inskribí ofishalmente pa hasi esaki. Fondonan rekoudá ta wòrdu inbertí den proyektonan grandi di investigashon riba tereno di Men’s Health. Un di e maneranan pa hasi esaki ta pa organisá mundialmente riba un dia e mesun fecha un paseo trankil riba motosaikel anto nèchi bisti den vestuario klásiko ku elegansia ‘sartorial’ segun un ‘dress code’ ofishal p’asina simbolisá e Kabayero Distinguí. Partisipashon no ta riba invitashon pero mester registrá konforme reglanan.

Meta prinsipal ta pa kita tabú I papia abiertamente riba e tópikonan, krea konsientisashon pa bai dòkter, pa bai kontrolá, bai hasi tèst, sigui tratamentunan, p’asina no kore bai pa realidat pero tuma liderazgo I kuida e kurpa pa superá I sobresalí. Banda di esaki por hasi donashon pa e kousa bunita aki, yudando asina MOVEMBER kual fondonan lo bai bèk den investigashon benifisiando henter mundu. Donashon tambe ta online, via e wèpsait. Un ‘peer-to-peer system’ ta den funshon, pues kada’ un partisipante por atraé Amistat I konosí nan pa hasi donashon via nan komo koredó

Durante e paseo DGR2022CUR riba motosaikel tin 5 stòp kaminda públiko interesá por akudí I skucha charlanan di profeshonalnan den kuido I tambe testimonionan bunita I alentador. Pa kore den e paseo mester registrá. Pa e charlanan no ta nesesario. Yega mester yega na tempu. Tambe saludá I apoyá e ‘distinguished gentlemen’ ora ta pasando den nos kayanan ta deseá.

Por registrá pa partisipá riba motosaikel mester bai wèpsait www.gentlemansride.com Kantidat ta limitá.