Kor ku a ensayá huntu tin vários kaso positivo

WILLEMSTAD.-Informashon ofisial di gobièrnu di Kòrsou pa loke ta trata kantidat di kasonan relashoná ku Covid-19 ta indiká awe 16 di sèptèmber ku Kòrsou tin 23 kaso nobo di hendenan ku a tèst positivo ku Corona vírus.

E informashon ta indiká ku 1 kaso ta importá, esta di tripulante di barku, miéntras ku 13 di e kasonan ta liga na un kaso eksistente i 9 otro kaso su fuente no ta konosí ainda. Ta mustra tambe ku komo resultado di ‘contact tracing’ por papia di un ‘super spread event’. Tin indikashon ku un kor a bai ensayá huntu i asina hopi hende a keda kontagiá. Tantu premier Rhuggenaath komo dr. Gerstenbluth a splika te kansa dikon no mester kanta den grupo.

Tin shete kaso ku tabata positivo ku a rekuperá i tin dos persona ta interná den hospital.  Esaki ta trese e total di kasonan na 192 kaso total for di mart i ku awor aki 123 kaso aktivo. En total tin 68 kaso ku a rekuperá.