WILLEMSTAD.- Pa straño ku por parse na final di aña 2017 drentando 2018 ainda Kòrsou ta den un époka kaminda ku abitantenan mes ta hanja nan ta traha imitashon di un parada di bùs pa asina nan por para un kaminda un tiki fresku pa warda un bùs pa asina por sigui nan rumbo.

Fotógrafonan di EXTRA moviendo den área di Domi a bin topa ku e situashon aki riba Seru di Domi nèt despues di e lusnan di tráfiko.

Mesora EXTRA a buska mas informashon i a bin komprondé ku ta abitantenan di Domi i besindario mes a traha esaki riba nan propio forsa.

Awor ta spera ku e instansianan konserní por laga traha un parada di bus muchu mas apto pa tur esnan ku mester hasi uso di dje.