WILLEMSTAD.-E informe ofisial di kasonan di Covid-19 pa awe djasabra ta konosí. E relato ta mustra ku pa e fecha aki tin 62 kaso positivo nobo ku ta hiba e total di kasonan na 1682 kontando for di mart te awor. Un kantidat di 11 persona a rekuperá i 11 persona ta hospitalisá. E kasonan fatal ta 3 i pa loke ta trata e kantidat di kasonan aktivo Kòrsou a yega e sifra di 691.

E relato ta mustra mas aleu ku di e 62 kasonan positivo nobo, 3 ta kaso importá, 15 ta kasonan liga na kasonan eksistente i e sobra 44 kaso ta hasiendo ‘contact tracing’ pa wak si por determiná e orígen. Tin 3 persona ku tabata interná den hospital ku a bai kas entretantu i 1 persona a drenta kuido intensivo pa hasi e total di pashèntnan di Covid den intensive care na 4.

LAGA UN KOMENTARIO

Please enter your comment!
Please enter your name here