WILLEMSTAD.-EXTRA a tuma kontakto ku korte na Korsou, komo parti di Korte Komun pa tende si akaso por bai konsidera e veredikto aki komo hurisprudensia pa kasonan ku lo por presenta den korte na Korsou.

Den kombersashon ku wes mr. Carmelia el a duna di konose ku ainda e no a tuma nota di e veredikto, pero  si ta asina ku na Aruba korte a disidí ku ‘toque de queda’ ta legal, no ta asina ku outomátikamente por bisa ku e veredikto ei ta konta pa Kòrsou i otro partinan di Korte Komun tambe.  Den tur kaso korte ta disidí a base di e situashon i echonan i argumentonan spesífiko di e kaso korespondiente, asina wes Carmelia a informá EXTRA.

Korte a disidí ku toque de queda ta legal

ORANJESTAD.-Awe mainta korte di hustisia na Aruba a dikta veredikto den un kaso entamá pa determiná si ‘toque de queda’ ta legal si of no. E website di notisia 24ora.com ta informá ku desishon di korte awe mainta ta ku ‘toque de queda’ ta legal’.

Aparentemente ta ministerio Públiko a pidi klaridat di korte den e kaso aki. Un di e argumentonan ku a usa tabata ku e momentu di ‘toque de queda’ Aruba tabatin nivel di kontagio hopi serio.

.....aki un bista di e sitio kaminda e asesinato a tuma lugá (foto kortesia di NoticiaCla)...