WILLEMSTAD. - Manera ta konosí na desèmber 2014, Parlamento di Kòrsou a pasa un moshon kaminda ku nan ta pidi pa Kontrolaria General realisá un investigashon profundo den UTS.

UTS na su turno a oponé kontra di esaki i finalmente e kaso a keda tratá den kortenan aki na Kòrsou i a resultá te na Korte di Kasashon na Ulanda.

Awe Korte di Kasashon ta duna UTS rason den su punto di salida i a konkluí ku Kontrolaria General no por realisá investigashon den UTS. Esaki ta konforme e dos promé desishonnan di korte aki na Kòrsou. UTS ta un kompania privá i no ta un instituto públiko.

Motivashon di e veredikto mañan ta keda ampliamente motivá den edishon di korant EXTRA.