WILLEMSTAD.- Korte a dikta ku un damita asiátiko mester bandoná Kòrsou, pasobra su pèrmit a vense i e no tabatin mas oportunidat pa por a pidi estadia aki.

Riba tur punto, hues a bai di akuerdo ku alegashon di abogado di gobièrnu, mr. Hato, kaminda a bari tur punto ku e damita asiátiko a bin kuné.

T’asina ku e dama aki a pidi un pèrmit estadia for di 7 yüni 2018, pero dia 24 ougùstùs 2018, gobièrnu ta rechasá e petishon di pèrmit. E proseso a dura bastante largu i ta e siman aki korte a rechasá tur ponensia dje damita asiátiko. For di òktober 2013, e damita a yega Kòrsou. Su mayornan a manda busk’é.

Mayornan di e dama manda busk’é for di China. Nan mester para garantia pa e damita aki i p’esei nan mester por proba ku nan tin un entrada di 42 mil florin pa aña.

E loke a pone e damita kai den tal situashon ta pasobra na momentu ku e pèrmit a terminá, e no a pidi un pèrmit nobo pe keda Kòrsou, i aki a krea un buraku. Pero despues a hasi  un petishon i e ta lat.

Pa kolmo ora ku hasi petishon di estadia tin di sali for di Kòrsou i esei no a sosodé. Tambe e no por a indiká ku e ta bayendo skol òf ta studia di manera ku e pèrmit pa estadia lo por a keda alargá. Si e no a deskuidá e por a sigui alargá su pèrmit te ku 10 aña pa despues di e momentu ei e por haña un pèrmit i pidi pa naturalisashon.

E úniko manera ku por yuda e damita aki di keda Kòrsou ta via dje maneho resien ku minister di hustisia a introdusí. Pero pa awor aki segun e sentensia di hues e damita tin di bandoná Kòrsou.

...mr. Hato ku a defendé interes di gobièrnu/minister di