WILLEMSTAD.- Kuerpo polisial Kòrsou, mirando ku ta fin di aña i tambe kuantu atrako a tuma lugá e lastu tempunan aki, a bin ku algun tep pa konsientisá komunidat di e peligernan i pa ta mas alerta i kuidadoso, pa personanan ku ta kana ku mente maligno.

KPC ta di opinion ku fin di aña  ya ta e tradishon ku tin hopi mas tantu sèn ku normal ta sirkulá.

Esaki ta debidamente konosí tambe, pa esun ku ta skohe na kometé un ladronisia i/o atrako en bes di proveé di un forma legal pa su mes.

Nan ta bisa ku pa yuda halsa seguridat den nos komunidat i alabes evitá mas tantu posibel ku siudadanonan ta keda bira víktima na man di e antisosialnan aki, Kuerpo Polisial ta duna algun rekomendashon pa den fin di aña aki. –

Evitá di kana ku (hopi) sèn kèsh.

Purba di ‘swipe’ mas tantu posibel; -

Plania bo dia bon i evitá asina di lanta sèn den oranan di anochi na un bankomátiko; - Den kaso ku tòg bo mester bishitá un bankomátiko den oranan di anochi, skohe pa un ku tin sufisiente iluminashon i ménos alehá;

- Si bo ta hasi transakshon via di ‘drive thru’, lòk bo portanan di outo i sera bo glasnan ku eksepshon di esun kaminda bo ta sinta pa hasi transakshon;

-Hasi uso konstantemente di bo spilnan di outo pa evitá ku bo ta wòrdu sorpresá;

- Laga bo motor di outo sende, pa si bo mester ranka bai, bo por hasi esaki di inmediato;

- Memorisá bo number di bankomátiko sekreto. No skirbié i hink’é den bo pòtmòni;

- Ta bon pa hendenan di edat bai lanta sèn den kompania di un persona di konfiansa. Nan ta un grupo hopi vulnerabel;

- No saka bará di sèn den grupo di hende i tampoko na momentu di paga;

- Evitá di move anochi bo so riba kaya na pia;

- No laga bo telefòn ta visibel. Ta un di e promé kosnan ku e atrakadó ta kue pa evitá ku despues di nan akto bo por yama polis;

- Si pa un òf otro motibu tòg bo mester tin hopi sèn kèsh huntu ku bo, no pone tur e sèn huntu.

Si bo wòrdu atraká, bo ta pèrdè tur kos den un solo bia.

Si resultá ku tòg bo keda atraká:

- Keda trankil mas tantu posibel; - Duna loke ku nan pidi.

Bo bida ta bal mas ku material; - No resistí.

Bo por sali heridá; - Si bo ta den outo kuminsá pita i si bo ta na pia kuminsá grita pa hala atenshon di otro siudadanona