WILLEMSTAD.- Asuntunan Públiko esta, Kranshi di e ministerio di Maneho di Gobernashon, Planifikashon i Servisio Públiko, ta notifiká pueblo en general ku djasabra, 18 di òktober i 15 di novèmber 2025, e ta habrí solamente pa hasi petishon di pasport sin sita.

Kranshi ta habrí e 2 djasabranan ariba menshoná di 8:30 di mainta pa 2:00 di atardi. Esaki pa por garantisá un servisio optimal komo ku e petishonnan pa pasport ta oumentá fin di aña. Ta ofresé e servisio èkstra akí, spesial pa siudadano haña e oportunidat pa saka pasport sin sita. Tumando na kuenta ku e 2 dianan akí no tin sita delantá palabrá, por surgi un tiki tardansa i nos ke limitá esaki mas tantu posibel.

E rekisitonan nesesario pa saka un pasport nobo, por haña riba e wèpsait di gobièrnu di Kòrsou ku ta www.gobiernu.cw i bai LOKET DIGITAL.

Tuma bon nota: ta risibí pago solamente via swaip òf depositá e montante i presentá ku e prueba di pago ‘hardcopy’.