Awor ku tur su servisionan lo ta disponibel den e forma adaptá

WILLEMSTAD  –  Asuntunan Públiko (Kranshi) di Ministerio di Maneho di Gobernashon, Planifikashon i Servisio Públiko ta notifiká pueblo en general ku entrante 24 di mei 2021 tur su servisionan lo ta disponibel den e forma adaptá segun petishon via mail i sita.  Konforme prekoushonnan di COVID-19 esaki no tabata posibel.

Kranshi ta kontinuá dunando e servisio konforme tur e medidanan kontra di COVID-19. Sitanan (renobá/traha sédula, pasport òf reibeweis) ta kontinuá entrante 24 di mei 2021 i tur persona ku sita ku a kanselá (te ku djabièrnè 21 di mei 2021) mester traha sita nobo. Ta bai pone oranan èkstra disponibel pa por traha sita pa baha e retraso. Pa tur otro servisio por manda un mail na info.bsbv@gobiernu.cw pa hasi bo petishon i traha sita. Pone huntu ku bo petishon tur dato relevante pa asina Kranshi por respondé riba e petishon.

Pa informashon di tur servisio di Gobièrnu por tuma kontakto ku Lokèt di Pèrmit serka e departamento di Bentana di Informashon na infovergunningenloket@gobiernu.cw òf yama nan via number di telefòn 434-1690.