WILLEMSTAD.-Reunion di Parlamento ta kuminsá. Sufisiente miembro ta presente i a kuminsá kanta himno. Presidente Ana Maria Pauletta despues di himno a indiká ku no a haña notifikashon di niun miembro ku nan no por ta presente i a pasa pa notifikashon di miembronan ku a manda karta via di presidente.

kortesia Parlamento

A anunsiá ku lo pasa pa trata e úniko punto di agènda ku ta kredensialnan di Shaheen Elhage pa asina e por drenta Parlamento. A nombra e komishon ku ta investigá kredensialnan ta konsistí di e miembronan Plet(MAN) kende alabes ta fungi komo presidente, Gisette Seferina(PAR) i Wimbert Hato(MAN).

Sr. Plet a raporta ku e kredensialnan ta na òrdu i ku e persona por drenta Parlamento. A indiká ku e persona por huramentá serka su ekselensia gobernador. No tabatin opservashon di niun miembro. Di e forma aki a finalisá e reunion.