WILLEMSTAD – Mardugá ta sigui di ta intrankil na Kòrsou i awe un biaha mas outoridatnan polisial mester a atendé kaso di bashamentu di bala i tambe ladronisia. Tabata alrededor di 4or di mardugá ku polis mester a bai na Kaya Janten na unda deskonosí nan a basha bala  riba un kas i tambe riba e outo stashoná einan. E balanan a destruí e winshil di e outo model Jeep. Tantu TFO komo reshèrshi a bai na e sitio pa hasi nan investigashon. Polis mester a akudí tambe na Prinses Margrietplein unda ladronnan a drenta den un kura di kas i a bai ku 2 skuter. Polis a kuminsá ku e búskeda den e área pero tur esaki enbano. Polis e informá e doño ku mester bai entrega keho na reshèrshi pa joyriding.

Prinses Margrietplein