Profar awor falta 1 honron mas pa yega 20 e temporada aki

 
Jurickson Profar (Rangers) a bai di 5-1 ku 2 kareda empuhá i 1 kareda anotá. El a konektá su di 19 honron di temporada.

Didi Gregorius (Yankees) ta rekuperando rápidamente di su leshon na su pòls. Ya ayera a tuma un seshon di bateo promé ku wega. El a indiká despues ku e lo por hunga promé ku temporada finalisá. “Mi a risibí un inyekshon i ya mi ta sinti e pòls mas mihó. E ta sinti muchu mas fuerte ku ayera”.

Kenley Jansen (Dodgers) a tira 1 ining, permití 1 kareda riba 1 honron i a poncha dos bateadó. No tabata un situashon di salba wega. Number mágiko di Dodgers awor ta na 5.

Xander Bogaerts (Red Sox) a bai di 4-2 ayera.

Andrelton Simmons (Angels) no a mira akshon ayera pero den un entrevista a indiká ku e kier traha pa bira mas fuerte durante offseason. E yu di Kòrsou ta kla pa elevá su nivel na plato despues di un otro tremendo temporada ofensivo pa di tres aña konsekutivo. E intenshon di Simmons ta pa e por agregá mas poder batiendo. Angels i Simmons lo no ta den playoff e aña aki ya ku e ekipo ta bai finalisá mas ku 24 wega for di promé lugá.

Jonathan Schoop (Brewers) no a mira akshon ayera. Number mágiko pa Brewers yega playoff awor ta na 3.

Ozhaino Albies (Braves) no tabatin wega ayera.

Play of the day

Na Hapon

Coco Balentien (Yakult Swallows) a bai di 4-1 ku 2 kareda empuhá riba su di 34 honron di temporada.

Na Taiwan

Roger Bernadina (Kia Tigers) no tabatin wega ayera.